Taksa e sheshtë/ Basha prezanton aplikacionin: Si të llogarisni fitimin e saj

Taksa e sheshtë 9%, është një nga pikat kryesore të programit ekonomik të Partisë Demokratike, e prezantuar nga kreu i saj, Lulzim Basha.

I ftuar në emisionin ”Opinion”, Basha u shpreh se shpreh taksa e sheshtë, forcon ekonominë, lufton evazionin dhe ndihmon njerëzit.

Ndër të tjera, Basha prezantoi aplikacionin për llogaritjen e fitimit që sjell sipas tij, taksa e sheshtë.

Lulzim Basha: “Ata që ju i quani oligarkë që gjoja paguajnë 15% ata sot në fakt marrin 2.2 miliardë euro të shqiptarëve. Ata janë një grusht njerëzish të cilët nuk i gjen pothuajse kurrë. Kjo është shumë e rëndësishme se ata rrallë herë i gjen më larg se 10 minuta larg kryeministrit, të këtij kryeministri. Ata janë ortakët e kryeministrit, ata kanë marrë vetëm kontrata publike 2.2 miliardë euro. Pra një grusht njerëzish të cilëve ti i jep koncesione, PPP-ra, ti ju jep tendera me çmimin pesë fish të punës që duhet ë kryej mos ja qaj hallin e tij që ky po ju merka taksa, sepse ai 15% që pretendon që i merr, ja jep 50 herë, 100 herë më shumë përmes aferave.

Taksa e sheshtë funksionon për shoqërinë, funksionon për shtresën e mesme, funksionon për pagat mesatare, funksionon për njerëzit me të ardhura më të ulëta, lufton evazionin. Rritja e taksave, po ta përsëris dhe një herë, qoftë kjo taksa e naftës apo tatim fitimi, çdo biznes dhe në veçanti bizneset e mëdha ja kalojnë dretpërdrejtë konsumatorit, pra qytetarit të thjesht, pra bukës së gojës, pra çmimit të qumështit.”