Analisti Berat Buzhala ka folur se rreth faktit se çfarë pritet të ndodhë në takimin në Shtëpinë e Bardhë mes Kosovës dhe Serbisë.
Në një intervistë për Abc News, Buzhala tha se nuk pritet që në këtë takim të shkruhet një marrëveshje historike. Ai theksoi se mundësitë janë që të arrihet një marrëveshje ekonomike.
“Është shumë pak e pritshme se aje do të shkruhet një marrëveshje historike. Gjasat janë që marrëveshja të jetë ekonomike. Versioni optimist është që Kosova dhe Serbia do të nënshkruajnë një marrëveshje ekonomike. Në 4 shtator nuk pritet që Grenell të bëjë një plan për të keq për Kosovën”, tha ai.
Sipas gazetarit, surpriza e vetme që mund të jetë është që palët ta nënshkruajnë këtë marrëveshje, që nënkupton ndërtimin e një hekurudhe apo vazhdimin e autostradës.
“Pres që Trump dhe Grenell në mandatin e dytë të hapin mundësin ë që palët të shkojnë drejt një marrëveshje përfundimtare, por kjo shihet si një dëshirë e tyre.
Edhe Grenell edhe Trump e dinë se koha është shumë e shkurtër që të arrihet një marrëveshje finale mes Kosovës dhe Serbisë.
Hoti nuk e ka mandatin apo popullaritetin që të shkojë në një marrëveshje finale. Është barrë e rëndë për Avdullah Hotin që të shkojë për nënshkrime të marrëveshjeve”, shtoi ai.
