Komisioneri për Zgjerimin e Bashkimit Europian, Johannes Hahn është takuar sot me presidentin e Kosovës, Hashim Thaçin.
Në një postim në Twitter, Hahn ka vënë theksin sërish të pezullimi i taksës për mallrat serbe, ndërsa shkruan se “është i një rëndësie të veçantë procesi i rinisjes së dialogut mes Prishtinës dhe Beogradit”.
“Takim i mirë me Presidentin Hashim Thaçi. Është e rëndësishme që dialogu Serbi-Kosovë të rinisë me shpejtësi, gjithashtu është në interes të stabilitetit dhe progresit më të gjerë rajonal. Unë përsërita qëndrimin e Bashkimit Evropian se tarifat kontradiktore të Kosovës duhet të paktën të pezullohen”, shkruan Hahn.
Good meeting with President @HashimThaciRKS. Important that the dialogue #Serbia–#Kosovo resumes rapidly, also in the interest of broader regional stability and progress. I reiterated the #EU position that the counterproductive #Kosovo #tariffs must be at least suspended. pic.twitter.com/j7TY1cfKSX
— Johannes Hahn (@JHahnEU) April 15, 2019
