Pas 2 orësh mbledhje në Bashkinë e Fierit, ka përfunduar takimi mes naftëtarëve dhe kryeministrit Rama mbrëmjen e sotme.
Kreu i Sindikatës, Sokol Dautaj u shpreh se naftëtarët nuk dolën të lumtur nga ky takim.
Ai tha se pagat prapambetura nuk u morën përsipër nga asnjëra palë.
Sokol Dautaj: ”Kërkesa e parë që është diskutuar është për pagat e prapambetura. Asnjëra nga palët nuk ra dakord për pagat sepse ne nuk negociojmë për këtë. Është hedhur në tavolinë ideja për të hapur rafinerinë, dhe është një vendim që do të merret nga naftëtarët ditën e nesërme. Gjithcka do i’a lëmë kohës dhe e marrin kolegët.
Gjithcka do të diskutohet me kolegët nëse bien dakord apo jo. Ne jemi përfaqësues, por vendimin e marrim të gjithë bashkë. Kemi pikën e panegociueshme, kërkojmë të marrim pagat tona. Shteti nuk merr përsipër dhënien e pagave, por vënien në punë të investitorit serioz.
Nuk thashë që dolëm nga takimi të lumtur me xhepa plot, dhe do të ktheheshim në familje, por them që do të flasim nesër me naftëtarët. Po themi shumë qartë, pagat nuk u morën përsipër nga asnjëra palë.”
