Deputeti demokrat Ervin Salianji, ka reaguar në lidhje me mbledhjen që kryeministri Edi Rama po zhvillon me efektivët e Policisë së Shtetit. Salianji është i mendimit se Rama po përdor policinë për propagandë, dhe në këtë mënyrë po i poshtëron.
Me anë të një statusi në rrjetet sociale, deputeti shprehet se policia duket si instrument për qëllimet e kryeministrit Rama, dhe jo si një strukturë shtetërore për të luftuar krimin.
Deputeti solli në vëmendje edhe një tjetër fakt, ku sipas tij, efektivët e policisë detyrohen që të bashkëpunojnë me kriminelë gjatë fushatave zgjedhore, me qëllim që të sigurojnë sa më shumë vota.
Statusi
Të poshtërosh policinë e shtetit duke e përdorur si sfond të propogandës politike bën që çdo polic të ndihet i fyer, i poshtëruar, i pambrojtur!
Në këto kushte policia duket si instrument për qëllimet e KM dhe jo strukturë shtetërore për të luftuar krimin!
Njësoj siç i keqpërdor për sfond i detyron në fushatë elektorale për të bashkëpunuar me llumin për të siguruar vota për Rilindjen, prandaj krimi ka marrë revansh dhe vrasjet e stilit mafioz ndodhin dhe nuk zbardhen, droga dhe krimi bëjnë kërdinë, grabitjet dhe dhuna është e pêrhapur kudo duke e kthyer territorrin në zotërim dhe sfond të kriminelëve!
