Kryeministri i Kosovës, Albin Kurti pritet të takojë për herë të parë presidentin e Serbisë, Aleksandar Vuçiç.
Nënkryetari i LDK-së, Lutfi Haziri ka bërë me dije se takimi do të zhvillohet në muajin mars në Berlin dhe Bruksel. Sipas tij, këto takime do të shërbejnë si përgatitje për Samitin e Zagrebit.
“Ta shohim që takimet e marsit që Kosova dhe Serbia i kanë në Berlin dhe në Bruksel a do të arrijnë të përgatiten për samitin e Zagrebit, në mars do të jetë vizita që është planifiku për Kosovën dhe Serbinë në Berlin dhe Bruksel.
Samiti i Sofjes nuk e dha efektin e vet, tash po përgatitet Samiti i Zagrebit në maj, nuk ka ndodhë që BE-ja me i ba dy samite brenda tre vitesh, sepse Selaniku dhe Sofja i kanë 15 vite ndërmjet, kurse Sofja dhe Zagrebi janë shumë afër, por prapë vështirësitë që po dalin nga presidentja kroate janë se Shengeni Ballkanik është problemi kryesor”, tha Haziri për RTV Dukagjini.
Ky do të jetë takimi i parë mes Kosovës dhe Serbisë që pas vendosjes së taksës.
