Pas takimit të dytë të zhvilluar me përfaqësues të Komitetit Teknik të Ekspertëve, fatkeqësisht FSHF-ja ka dalë sërish duarbosh.
Përfaqësues të Federatës, edhe gjatë mbledhjes së parë të zhvilluar në Ministrinë e Shëndetësisë, kërkuan që data e fiksuar nga ministrja Ogerta Manasterliu, për rifillimin e aktiviteteve sportive më 18 maj të rishikohej. Sipas tyre, afati i caktuar vë në diskutimin rifillimin e garës.
Takimi i dytë ka qenë sërish në rrafshin teknik, ku FSHF-së i është kërkuar përmirësimi i protokollit sanitar në 2-3 pika, për stërvitjet individuale, kolektive dhe zhvillimi i ndeshjeve.
Raportohet se grupi i ekspertëve të FSHF-së, do të punojnë për përmirësimin e elementëve të kërkuar nga qeveria. Po sot do të vendos në dispozicion të Ministrisë së Shëndetësisë protokollin e ri me ndryshimet e bëra.
