Kryedemokrati Basha po zhvilllon takime me biznesin e vogël në zonën e Kombinatit në Tiranë. Me anë të një videoje të shpërnarë në Facebook, ai thotë se bizneset janë drejt falimentimit. E ndërsa sipas tij, kryeministri Rama udhëton me charter privat në Paris, ku harxhon mijëra euro. I shqetësuar për situatën ekonomike, kreu i PD-së premton se do të jetë pranë qytetarëve dhe se nuk do i lë në mëshirë të fatit.
“Bizneset po mbyllen, po falimentojnë, ku njerëzit nuk plotësojnë nevojat minimale të konsumit të tyre dhe fjala kryesore e biznesve ku kam shkuar janë listat. Njerëzit nuk kanë mundësi për të paguar, varfëria është kudo. Dhe në kohë të pandemisë, të gjithë janë lënë në mështirë të fatit nga qeveria e Ramës. Paratë u’a ka çuar në duart e 4-5 oligarkëve. Edi Rama bredh me charter luksoz nëpër Europë me lekët e taksapaguesve shqiptarë. Qindra mijëra euro për fundjavë në Paris, që do mjaftonin për të mbajtur hapur mijëra biznese”.
“Nuk ka pse të ishte kështu, edhe në kohë krize paratë tuaja të vinin tek ju, për t’ju çliruar nga vlera e shtuar në periudhën e varfërisë, shkuan tek kontratat e fshehura, tek oligarkët, tek udhëtimet luksoze të kryeministrit. Kjo situatë e tmerrshme ka vetëm një njeri, atiji që nuk i dhimbsen shqiptarët, kërkon pasurimin e tij e të oligarkëve. Ne kemi një plan, kemi një vizion dhe ambicie për të ndryshuar këtë situatë. Rama, paratë e shqiptarëve i bën rrush e kumbulla. Paratë tuaja i bën udhëitme me charter luksoz, me fundjava luksoze, u ka dhënë oligarkëve”, u shpreh Basha.
