Presidenti i Kosovës, Hashim Thaçi i ftuar këtë mbrëmje në “Open” ka folur për bashkimin e Preshevës me Kosovën.
Thaçi është përshirë në një debat me analistin Enton Alibekaj në lidhje me këtë tezë, pasi deklaroi se nëse Kosovës i bashkohen tre komunat shqiptare në Serbi nuk është asgjë e keqe, por është kthimi i padrejtësisë historike.
Mirëpo, Alibekaj i është përgjigjur se kjo ide mund të nxisë qëndrime të ngjashme edhe nga Serbia, teksa e ka cilësuar këtë një ide: shoviniste.
Sakaq, Thaçi i është kundërpërgjigjur se nuk është ide shoviniste, por është kthim i padrejtësisë historike, ndërsa u shpreh ndër të tjera se e konsideronte veten një President nacionalist që nuk kërkon të marrë territore të tjera, por të mbrojë territoret e Kosovës.
Sa i përket Samitit të Berlinit dhe diskutimeve që në fokus kishin shkëmbimin e territoreve Kosovë-Serbi, Thaçi u shpreh se: “Të gjithë ata që flasin për Berlinin nuk kanë asnjë informacion për çfarë është folur atje. Për Edita Tahirin mund të them se nuk di çfarë flet sepse ajo nuk di asgjë”.
