Ndryshe nga çfarë ka ndodhur vitet e shkuara, sivjet qeveria ende nuk ka vendosur nëse do të ketë shpërblime për pensionistët. Kjo pasi vendi ka shpallur gjendje të jashtëzakonshme pas tërmetit të 26 nëntorit, ku pati viktima e të lënduar. Po kështu edhe dëme të konsiderueshme materiale.
Për këtë çështje ka folur dje edhe kryeministri Edi Rama. Pak pas mbledhjes maratonë të kabinetit qeveritar në Golem, kreu i ekzekutivit theksoi se sot do të merret vendimi nëse pensionistët do të marrin shpërblim apo jo.
Megjithatë edhe pse e la si mundësi të hapur, Rama theksoi se ideja ka qenë dhe mbetet që të mos penalizohet kategoria e pensionistëve.
