Ish-konkurrentja e “Për’puthen”, Arlida Nezha, e njohur ndryshe si Tola, i ka surprizuar të gjithë ndjekësit në rrjetet sociale, teksa ka zbuluar se ajo është nënë e një vajze.
“A ke fëmijë ti? Se të kam parë me një vajzë të vogël prandaj”, ishte pyetja e një ndjekësi.
Përgjigja e Tolës ka qenë e papritur, dhe madje ajo e ka shoqëruar edhe me një foto.
“Po. Kjo është mrekullia ime”, shkruan Arlida.
Gjatë emisionit, nuk është përmendur asnjëherë fakti se Tola ka një vajzë, madje as në takimet që ajo ka pasur me Albin, me të cilin kishte më shumë afrimitet. Tola ishte vajza e parë që u eliminua nga “Për’puthen”, pasi u votua nga djemtë.
Më vonë, ajo tregoi në emisionin “Shqipëria Live” konkurrentët që mendon se kanë shkuar vërtet për dashurinë në program.
“Dy muaj që kam qenë unë aty, kanë nisur pëlqimet tek disa. Disa janë aty thjesht ‘hajt se jemi’. Në syrin tim, shoh Mikelën që ka dëshirë të përputhet, por nuk e marrin shumë seriozisht djemtë se është lozonjare dhe dëshiron të jetë protagoniste. Shoh Bashkimin shumë të përfshirë, por Alvisën shumë më pak”, tha Tola.
