Policia ka shkatërruar një grup kriminal në Durrës, duke vënë në pranga 15 persona. Burimet paraprake, ende jo zyrtare bëjnë me dije se të arrestuarit janë të dyshuar për vrasje, teksa operacioni erdhi pas marrjes peng të dy vëllezërve Gentian dhe Indrit Beqiraj në autostradën Tiranë- Durrës, dy ditë më parë.
Detaje të reja janë zbardhur nga mega-aksioni i Policisë së Shtetit në Durrës, ku 15 persona përfunduan në pranga, pasi akuzohen për vrasje. Dyshohet se grupi kriminal që u shkatërrua sot nga policia, kishte në shënjestër edhe vrasjen e Aleksandër Lahos (Landi Muharremi), i njohur ndryshe si “Rrumi” i Shijakut. Policia e Durrësit nuk ka dalë ende me një njoftim zyrtar.
Dy vëllezërit e marrë peng, Indrit dhe Gentian Beqiraj, kanë bashkëpunuar me policinë dhe kanë dëshmuar. Ata kanë dhënë detaje të rëndësishme për disa atentate të kryera në Tiranë dhe Durrës. Vëllezërit Beqiraj vrojtonin “Rrumin e Shijakut” për ta ekzekutuar.
