Në Këshillin e Sigurimit të OKB-së ka pasur tensione midis SHBA-ve dhe Rusisë. Të dërguarit e dy vendeve kanë shigjetuar njëri-tjetrin me thumbime mbi temën e takimit urgjent. Pak ditë më parë në Douma të Sirisë pati një sulm të dyshuar kimik.
“Incidenti në Douma që tronditi botën, ishte i organizuar dhe se veprimi ushtarak i SHBA-së për përgjigje mund të ketë ‘pasoja të rënda,” deklaroi i dërguari rus në OKB, Vassily Nebenzia.
“Rusia është thellësisht e shqetësuar nga fakti se disa kryeqytete, Uashington, si dhe Londra dhe Parisi, të cilët “po ndjekin verbërisht” aleatët e tyre amerikanë, janë angazhuar “në një politikë konfrontuese kundër Rusisë dhe Sirisë pa ndonjë justifikim”, tha rusi Nebenzia gjatë takimit.
Ai vijoi duke nënvizuar se Moska kohët e fundit u përball me “shpifje, retorikë mashtruese, sanksione, shantazh” dhe madje edhe “paralajmërime të përdorimit të forcës”.
Ndërkohë, ambasadorja e SHBA Nikki Haley tha se Rusia kishte “gjakun e fëmijëve sirianë” në duart e saj.
Më parë, shefi i të drejtave të njeriut i OKB-së tha se fuqitë botërore po reagonin përsëri ndaj përdorimit të mundshëm të armëve kimike me një “tronditje kolektive”.
