Sekretari i Përgjithshëm i Partisë Demokratike, Gazmend Bardhi ka reaguar pas përplasjeve në disa qytete të vendit, ku policia është përballur me militantë, pasi kundërshtohet vendosja e materialeve zgjedhore në KZAZ.
Në disa qytete, ka pasur edhe të lënduar. Në një reagim në Facebook, Bardhi shprehet se sulmi ndaj qytetarëve është kriminal dhe i urdhëruar drejtpërdrejt nga Rama.
Sipas tij, votime moniste nuk ka për të patur ndërsa shpreh vendosmëri në mbrojtje të Kushtetutës dhe demokracisë.
“Sulmi ndaj qytetareve ne gjithe Shqiperine eshte kriminal dhe i urdheruar drejtperdrejte nga Edi Rama.
Edi Rama do mbaje pergjegjesi per nxitjen e konfliktit social, dhunen ndaj qytetareve dhe per cenimin e stabilitetit demokratik te vendit. Fundi i tij do jete i shpejte dhe i tmerrshem! Votime moniste, zgjedhje me bandat, vjedhje dhe blerje te votave, krim te ri zgjedhor ne 2019, nuk ka per te patur.
Te vendosur per te mbrojtur Kushtetuten dhe demokracine! Asnje hap pas!”, shkruan Bardhi në Facebook.
