Është një ferr, një tragjedi me përmasa biblike. Nuk po bëj shaka. Njerëzit shtrohen në spital, intubohen, dhe më pas vdesin. Cikli përsëritet. A ka mbipopullim në spitale? Po, sistemi është i gjithi i mbingarkuar.
Vajza ime është shtruar në një spital në Bruklin. Sot i është nënshtruar terapisë invensive. Mbrëmë nuk më zinte gjumi. Është e frikshme.
Çdo ditë, çdo moment, është e njëjta gjë. Fatkeqësisht në shumë raste të duhet të bësh zgjedhje të dhimbshme, se kujt duhet t’i vish më parë në ndihmë. Siç e tha doktori, shumë njerëz vijnë dhe shtrohen, dhe shumë nuk mbijetojnë. Pasi vdes dikush, e përdorim të njëjtin respirator për një person tjetër.
Dhe nuk po mundemi ta përballojmë dot situatën, pasi është e vështirë, qoftë edhe ta mendosh këtë gjë. Ne po përpiqemi të bëjmë më të mirën tonë. Gjëja e vetme që ju kërkoj të gjithëve, atyre që njoh dhe jo vetëm: qëndroni në shtëpi nëse nuk keni doemos nevojë të shkoni diku. Mos u mundoni të bëni ndonjë çmenduri në këtë moment. Kjo është një pandemi serioze.
Sulmet e 11 shtatorit nuk ishin asgjë në krahasim me këtë që po ndodh tani. Atëherë ne prisnim pacientë, që nuk erdhën kurrë. Tani ata vijnë pa pushim, dhe janë nga të gjithë moshat. Mos e gënjeni veten duke menduar se ata që vdesin janë vetëm të moshuarit. Ky virus, mund të vrasë njerëz të çdo moshe.
TIRANA TODAY
