Studiuesi i njohur Aurel Plasari ka deklaruar se kryeministri Rama ka hyrë në histori, por shton se në histori futen edhe kriminelët e mëdhenj.
I ftuar në “A Show”, Plasari tha se e rëndësishme është çështja se si futesh në histori.
“Rama ka hyrë në histori, por jo si ngjarje historike. Për t’u futur është futur në histori. Në histori futen edhe kriminel të mëdhenj, edhe gangster. Nuk ka ndonjë parim që në histori futen burrat e mirë. Madje, gjithë etnitetet njerëzore futen në histori. Çështja është nëse futet në histori si burrë i mirë, apo si burrë që i pshurrin tek varri si diktatorit. Në histori e ka futur veten, çështja është si do të futet në histori”, tha ai.
Po ashtu, Plasari është pyetur dhe lidhur me djegien e mandateve nga opozita jo parlamentare, për të cilën tha se është një veprim demokratik në një “republikë të çuditshme” pa Gjykatë Kushtetuese.
“Unë e gjykoj që opozita ka marrë një veprim të rëndësishëm që merret vetëm në mbrojtje të demokracisë. Ka refuzuar pjesëmarrjen në një Parlament që sipas opozitës kishte degraduar. Funksiononte pa Gjykatë Kushtetuese, pra pa Kushtetutë. Në një republikë shumë të çuditshme. Në këtë rast kemi të bëjmë me një njeri që nuk i kupton parimet demokratike. Dikush duhet t’i ketë thënë kur lypte vota se ministri është shërbëtor. Në këto rrethana, opozita ka bërë një veprim në mbrojtje të demokracisë dhe në rrethana demokratike”, deklaroi Plasari
