Një studim gjerman ka dalë në përfundimin se 15% e popullsisë mund të jetë imune ndaj koronavirusit.
Studimi u mbajt në Landin NRW, ekzaktësisht në rrethinën e Heinzbergut. Stafi kërkimor i udhëhequr nga virologu, Hendrik Streeck thanë se studimi i tyre tregoi që 1 në 7 persona në Heinzberg doli imun.
Gjatë një konference për shtyp, virologu sqaroi kjo mbetet një hipotezë, teksa nuk përjashtoi edhe mundësinë që kjo statistikë të jetë dhe për Gjermaninë në tërësi.
Testimi për këtë studim ka qenë masiv dhe është bërë me ANTIKÖR -TEST, i cili ka një saktësi prej 99%. ANTIKÖR -TEST sheh trupat imunitar tek njerëzit dhe sipas studimit mbi 14% dolën me trupa imunitarë anti-SARS CoV2.
Sa i përket mundësisë për lehtësimin e masave, Streeck u shpreh pro këtij vendimi duke theksuar se masat duhet të lehtësohen në mënyrë të përshkallëzuar dhe duke iu përmbajtur rregullave bazike të higjienës.
