Josilda Ndreaj, një studente shqiptare e cila jeton në Wuhan, epiqendrën e koronavirusit vdekjeprurës, ka apeluar për ndihmë për t’u kthyer në Shqipëri.
“Dua të iki sa më shpejt nga këtu. Situata sa vjen e po përkeqësohet. Vetë e kam të pamundur financiarisht të lëviz. Dua të kthehem në Shqipëri. Do t’i jem mirënjohëse qeverisë shqiptare apo gjithkujt që do të mund të më ndihmojë në këto momente të vështira ku gjendem”, ka thënë ajo në një intervistë për “Top Channel”.
Josilda, që studion master në Pronësi Intelektuale, tha po ashtu se për të ky është viti i parë në Wuhan dhe shton se ka një pasiguri të madhe, por po përpiqet të ruajë qetësinë.
