Në prag të nisjes së vitit të ri akademik, studentët kanë hapur një peticion online në portalin “Studentët Denoncojnë”, duke kërkuar më shumë mbështetje nga qeveria.
Studentët i drejtohen Ministres së Arsimit, Evis Kushi dhe kryeministrit Edi Rama për një mbështetje financiare mujore, 100 euro për çdo student.
Deri më tani janë mbledhur më shumë se 6000 firma.
Në kërkesën zyrtare që studentët i kanë çuar kryeministrit Rama dhe Ministres së Arsimit, Evis Kushi, shkruajnë se kërkojnë që qeveria të ndërmarrë hapat e nevojshme për të krijuar një buxhet të posaçëm për studentët, pasi kostoja e jetesës është shtrenjtuar duke u’a bërë të papërballueshme jetesën.
