Reperi i njohur shqiptar Arkimed Lushaj, gjithashtu i njohur si Stresi, ka kërkuar falje për dhunën e përdorur në protestën e 9 dhjetorit, një ditë pas vrasjen së Klodian Rashës.
Stresi shprehet se i vjen keq që disa efektivë të Policisë së Shtetit që mbetën të lënduar nga protestuesit. Ndërkohë, ai ka pranuar edhe faktin që ai ishte një prej organizatorëve të ngjarjes.
“Sa për informacion, po Stresi ka qënë organizator i protestës për vrasjen e një të riut nga një punonjës shtetit. Por kur është organizuar protestë paqësore për drejtësi. Por shkaku që turma ka qënë e madhe dhe s’ka mundësi kush do që të jetë ta mbajë protestën +2000 veta qetësinë në nivel të qetë por duhet ta dimë që jo të gjithë policët janë të njëjtë sikur gishtat e dorës së njëriut. Ne si stafi i “BadBoysLabel” dhe Stresi iu kërkojmë falje dhe shërim disa policëve të pafajshëm që janë lënduar në protestë. Por në tani konfirmojnë dhe pranojmë që familjen e Klodianit ta ndihmojmë dhe financiarisht apo s’patën nevojë. Zoti e pastë mëshiru në xhehnet vëllaun tonë, Klodianin,”-shkruan Stresi në rrjetin social, Instagram.
