Teksa vite më parë flitej se vetëm VIP-pat mund të kishin fatin e praktikimit të injeksioneve për fshehjen e viteve të moshës, tashmë këtë tendencë mund ta provojë kushdo. Moderatori Bledi Strakosha është shprehur se në vendin tonë shumë meshkuj bëjnë botoks. Madje ai pohoi se ka bërë botoks vetë, për të ndalur “kohën” dhe për t’u ndjerë mirë.
Në emisionin “Good Morning Albanians” në Euronews Albania, Strakosha ka theksuar se në klinikën ku ai shkon, meshkujt presin në radhë për të bërë konsultë apo ndërhyrje estetike.
“Ka shumë meshkuj që bëjnë botoks. Në klinikën që unë shkoj, një nga më të njohura, ka shumë meshkuj që presin në radhë për t’u konsultuar apo për të bërë ndërhyrje të ndryshme. Por njeriu duhet të kuptojë kufijtë dhe limitet”, tha ai.
