E shtunë, 12 Qershor, 2021
27.5 C
Tirana

Stambolli bëhet destinacioni i parë i fluturimeve për shqiptarët

Kufizimet e fluturimeve për shkak të pandemisë kanë ndryshuar tërësisht destinacionet ku fluturojnë shqiptarët.

Tashmë nuk janë më qytetet italiane, por për 4-mujorin e parë të këtij viti, destinacioni i parë është Stambolli, me 58,014 pasagjerë.

Të dhënat u bënë të ditura nga Autoriteti i Aviacionit Civil.

Turqia ishte ndër të paktat shtete që nuk vendosi kufizime të rrepta për hyrjen e shqiptarëve. Megjithatë, në krahasim me 2019-n, numri i pasagjerëve drejt Turqisë për 4-mujorin është me rënie prej 27%.

Për vitin 2019, destinacioni me numrin më të lartë të pasagjerëve ka qenë Milano, me 94,214 pasagjerë. Për 4-mujorin e këtij viti, Milano renditet i dyti, me 37.6 mijë pasagjerë, teksa drejt këtij destinacioni fluturimet janë 60% më të ulëta se në janar-prill 2019.

Qytetet italiane kanë shënuar rënien më të madhe të pasagjerëve që fluturojnë nga/drejt Rinasit.

Pasagjerët me Romën janë tkurrur me 75%, Pizës me -68%.

Drejt qyteteve italiane, qytetarët shqiptarë ende nuk lejohen të udhëtojnë, përveçse në raste të veçanta.

Historikisht Italia zinte më shumë se 50% të tregut të fluturimeve deri në 2019-n, por nga 2020-a kjo ka ndryshuar si rrjedhojë e kufizimeve të fluturimeve, por edhe shtimit të destinacioneve të tjera.

Rënie të fortë ka shënuar dhe destinacioni i Vjenës, me -66% për 4-mujorin 2021, në raport me të njëjtën periudhë të 2019-s. Vjena është një nga aeroportet kryesore që shërben si tranzit për shtete të tjera të Europës dhe për kontinente të tjera.

Ky vit, krahasimisht me 2019, ka shënuar futjen e destinacioneve të reja si, Dubai, Baden-Baden, Basel, Berlin dhe Memmingem.

Sipas Autoritetit të Aviacionit Civil, në prill, pjesën kryesore të tregut e kishte Wizz Air, operatori me kosto të ulët, që e shfrytëzoi periudhën e krizës për të  zgjeruar destinacionet. Ai kishte 34% të tregut të fluturimeve. E dyta ishte Air Albania me 24%, e ndjekur nga Alba Wings me 8%. /Monitor

Lexo edhe :   Pas Spanjës, edhe Franca lejon hyrjen e shqiptarëve të vaksinuar
Lexo edhe :   'Nuk ishte për fushatë'/ Rama: Fluturime nga Kukësi drejt Stambollit e Zyrihut

- Reklama -

Më shumë nga kategoria




Të fundit

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...

Fati i kryetarit të PD-së, 3 kandidatët që do të sfidojnë Lulzim Bashën

Nga: Marsela Sinani Lulzim Basha 47 vjeç, Fatbardh Kadilli 55 vjeç, Edith Harxhi 48 vjeçe dhe Agron Shehaj 44 vjeç, aderojnë në të njëjtën parti,...

Salianji: Gruevski si Rama mori mandat të tretë, por ra brenda një viti

Deputeti i zgjedhur i Partisë Demokratike, Ervin Salianji ka bërë një paralelizëm të situatës aktuale politike në Shqipëri, të asaj para disa viteve në...

Kosovë: Një viktimë dhe 17 raste të reja me Covid-19

Instituti Kombëtar i Shëndetësisë Publike në Kosovë (IKSHPK) ka regjistruar më 12 qershor një rast të vdekjes nga koronavirusi. Viktima është nga Prizreni. Sipas njoftimit...