Mjeku epidemiolog, Ilir Alimehmeti, ka publikuar një studim të dy institucioneve kërkimore në Itali dhe në Rusi, sipas të cilave, vaksina ruse Sputnik V, është më e efektshme ndaj Omicron se Pfizer. Mjeku shkruan në rrjetet sociale se studiuesit vunë re se gjashtë muaj pas vaksinimit, 74.2% e personave të vaksinuar me Sputnik V kishin antitrupa neutralizues kundër Omicron, ndërsa vetëm 56.9% e personave të vaksinuar me Pfizer kishin antitrupa neutralizues kundër Omicron.
Rënia e antitrupave ndaj variantit Omicron, në krahasim me variantin origjinal (Wuhan-Hu1) ishte 8.1 herë rënie te personat e vaksinuar me Sputnik V, kundrejt 21.4 herë rënie te personat e vaksinuar me Pfizer.
Alimehmeti sqaron më tej se Sputnik V prodhon rreth 2.1 herë më shumë antitrupa neutralizues në total. Po kështu, Sputnik V, pas 3 muajve mban 2.6 herë më shumë antitrupa neutralizues.
Studimi i publikuar në 19 janar 2022 është kryer nga dy institute kërkimore prestigjioze: Instituti Kombëtar i Sëmundjeve Infektive “Lazzaro Spallanzani” (Itali) dhe Qendra Kombëtare e Kërkimit për Epidemiologjinë dhe Mikrobiologjinë “N F Gamaleya” (Rusi). Autorët e këtyre studimeve kanë arritur në përfundimin se ulja e antitrupave neutralizues kundër Omicron, është vënë re në shumë vaksina anti-COVID-19, disa prej të cilave nuk demontrojnë fare neutralizim. Sot duket se nevoja për dozat e treta (booster) duket qartë.
