Sportistët që arrijnë të ndërtojnë një karrierë të madhe dhe të jenë më të mirët në sportin që ushtrojnë, shpërblehen mjaft mirë financiarisht. Mund të themi që janë ndër njerëzit më të paguar të momentit. Madje, ata që marrin pjesë në sportet më të famshme, bëhet milionerë edhe duke marrë pjesë në reklamat e firmave më të mëdha.
Futbolli, boksi, basketbolli, futbolli amerikan, golfi dhe tenisi janë disa nga sportet më të mirë për të qenë i përfshirë në to, sa i përket aspektit financiar. “Forbes” ka publikuar edhe listën e sportistëve më të paguar ë vitit 2018, ku spikat në vendin e parë boksieri amerikan Floyd Mayweather, i cili vetëm me një ndeshje ka marrë fronin.
- Floyd Mayweather
Askush nuk ka fituar më shumë para gjatë vitit 2018 sesa boksieri amerikan Floyd Mayweather. Sipas Forbers, i ka fituar 275 milionë dollarë, si dhe një shtesë prej 10 milionë dollarëve gjatë vitit të kaluar.
- Lionel Messi
Menjëherë pas Mayweather radhitet Lionel Messi i Barcelonës, i cili i fitoi 111 milionë dollarë gjatë vitit të kaluar. Ai është njëri prej atletëve më të njohur në botë dhe përmes reklamave që i bëri i fitoi edhe 27 milionë dollarë të tjera shtesë.
- Cristiano Ronaldo
Ylli portugez i Juventusit, Cristiano Ronaldo, mbetet prapa rivalit të tij, Lionel Messit, megjithatë vetëm për shkak të një dallimi të vogël. Ai i ka fituar 108 milionë dollarë, mirëpo ka fituar më shumë se Messi nga reklamat me Nike, EA Sports e kompani të tjera.
- Conor McGregor
Luftëtari i arteve të përziera marciale, Conor McGregor, radhitet në pozitën e katërt me 99 milionë euro të fituara falë meçit të tij me Mayweatherin.
- Neymar
Edhe pse Neymari ishte i lënduar për një pjesë të konsiderueshme të sezonit të kaluar, ai futet në listën me sportistët më të paguar në botë. Ai i ka fituar 73 milionë dollarë, si dhe 17 milionë të tjera shtesa.
Në këtë listë renditen pastaj: Lebron James, Roger Federer, Steph Curry, Mat Ryan, Mathew Stafford, Lewis Hamilton, Canelo Alvarez e Tiger Woods.
