Ministrja e Shtetit për Marrëdhëniet me Parlamentin, Elisa Spiropali është shprehur se që nga viti 2013 në vendin tonë janë regjistruar 235 mijë vende pune më shumë.
Sipas saj, qeveria i ka mbajtur premtimet dhe në këto 7 vite është bërë më shumë se në 25 vite tranzicioni.
Ajo tha se shëndetësia sot është falas dhe spitalet janë në gjendje shumë më të mirë se më parë, si dhe çmimet e ilaçeve.
Elisa Spiropali: “235 mijë vende pune janë regjistruar më shumë se në 2013. Për ato që ne kemi premtuar janë në rrugën e duhur dhe kemi bërë më shumë ne në 7 vite se në 25 vite tranzicioni. Që në 2013 motoja jonë ka qenë të bëjmë shtet.
Shëndetësia falas ka vetëm një koncept si matet. Nëse ata që janë të pasiguruar marrin apo jo shërbim shëndetësor parësor. Sot nuk ka asnjë njeri që nuk e merr këtë shërbim. Çmimet e ilaçeve kanë rënë dhe monopolet morën një goditje serioze.”
