Ministrja e Shtetit për Marrëdhëniet me Parlamentin, Elisa Spiropali ka kërkuar falje në emër të mazhorancës për zgjedhjen e Metës në postin e Presidentit.
E ftuar në emisionin “Real Story”, Spiropali dënoi ashpër gjuhën e përdorur nga kreu i shtetit. Sa i përket deklaratave të Metës për të shpërndarë Parlamentin, ministrja deklaroi se Meta nuk mundet ta bëjë një gjë të tillë, pasi nuk ia lejon Kushtetuta.
Pjesë nga debati:
ELISA SPIROPALI: Iu premtua qartazi Bashës që do të mbahen gjallë protestat. Shpiku një institucion. Ato zgjedhjet duhet të bëhen. Ky zëdhënësi që del dhe flet për ne, ky çudia. Gjuha e tyre është e paprecedentë dhe turpëron institucionin. Komisioni i Venecias e çoi më tej arsyetimin.
ARION SULO: Lufta, përplasja dhe shëprthimi i Metës vjen prej Reformës në Drejtësi. Të shohim deformimin e saj, pasi ajo është pjesë e politikës në këto 4 vite. Jeni në akuzë për kapjen e Reformës. Ai po kundërshton kapjen e Reformës.
ELISA SPIROPALI: Kërcënon Presidenti që në deklaratën e tij publike që ne do zhbëjmë parlamentin, është e paprecedentë. Meta nuk e ka tagër, nuk ja jep Kushtetuta. Kemi bërë mirë kemi bërë keq ne e kemi çuar si President. Na vjen keq sepse ne nuk e kemi me Metën personalisht. Na falni që zgjodhëm Metën president, këto ishin kushtet, ishte me votat tona.
