Ministrja e Shtetit për Marrëdhëniet me Parlamentin, Elisa Spiropali shprehet e bindur se zgjedhjet lokale të 30 qershorit do të zhvillohen.
Në një intervistë për “Abc News”, Spiropali deklaroi se në rast se ish-kryeministri Berisha, Basha dhe Kryemadhi duan t’i thonë burgut hapu, le t’i thonë.
Sipas saj, qytetarët që dalin në protestat e opozitës janë gjithnjë e më pak, ndërsa shtoi se qeveria do garantojë siguri edhe për strukturat zgjedhore në rast përplasje gjatë zgjedhjeve.
“Zgjedhjet duhet të ketë. Në rast e Berisha, Basha dhe Kryemadhi duan t’i thonë burgut hapu, le t’i thonë. Por nuk besoj se ata nuk mund të marrin me vete qytetarë të tjerë. Nuk shkon në burg njeri për ta. Janë gjithmonë e më pak qytetarë që dalin, sa më të vegjël bëhen si grup aq më e rrezikshme bëhen si turmë. Fakti që nuk kanë numrat i ka bërë që të kthehen në një turmë të dhunshme. Është diçka tjetër të dalësh në protestë dhe diçka tjetër nëse prish zgjedhjet duke prishur qendrat e votimit”, deklaroi Spiropali.
