Pesë ditë plot tensione e zjarr në vendin tonë, për vrasjen e Klodian Rashës nga një efektiv i ‘Shqiponjave’. Avokati Spartak Ngjela, teksa ka analizuar situatën në vend, ka treguar se kush fshihet pas trazirave në vend.
Ai ka shigjetuar ish-kryeministrin Berisha, se është në krye të turmës, dhe po e bëjnë këtë pasi kanë frikë nga reformat.
Avokati Ngjela ka kundërshtuar protestat e dhunshme që janë zhvilluar këto ditë, duke i konsideruar barbare. Sa i takon punës së policisë, ai e cilëson profesionale.
“Nuk është protestë, është barbari! Policia deri tani është profesionale”, u shpreh Ngjela në emisionin “Shqipëria live”.
I pyetur se përse kjo protestë është e paligjshme, avokati foli i revoltuar, pasi sipas tij, po shkatërrohet prona publike dhe private. “Nëse ti më shkatërron pronën, meriton burg! Policia nuk mund të lejojë shkatërrimin e shtetit”, tha më tej ai.
