Prej javësh të tëra tashmë Spanja nuk po gjen qetësi nga pasojat e shumta që po shkakton koronavirusi.
Deri më tani në Spanjë numërohen 7,340 viktima dhe më shumë se 85 mijë persona të infektuar.
Zyrtarisht Spanja është një nga shtetet më të prekura nga koronavirusi në botë, teksa mban vendin e dytë për numrin më të madh të viktimave dhe renditet e treta me numrin më të madh të infektuarve nga ky virus.
Një studim i fundit tregon se 37% e vdekjeve totale nga koronavirusi në Spanjë, kanë ndodhur në azilet për njerëzit e moshuar.
Ndërsa sipas Ministrisë spanjolle të Shëndetësisë, pothuajse 95% e njerëzve që kanë vdekur nga virusi janë mbi 65 vjeç.
Spanja njihet si një nga vendet me jetëgjatësinë më të lartë në Evropë dhe Madridi, epiqendra e epidemisë në vend, është gjithashtu bashkësia urbane evropiane ku jetohet më gjatë (mesatarisht 85 vjet e gjysmë).
