Ministri i Shëndetësisë në Spanjë, Salvador Illa, ka deklaruar se do të krijojnë një regjistër me emrat e të gjithë qytetarëve, që refuzojnë të vaksinohen kundër COVID-19 dhe do ta ndajnë atë me vendet tjera të BE.
Ai është shprehur se mënyra më e mirë për të mposhtur virusin, është që të ketë vaksinime masive. Aktualisht Spanja është furnizuar me vaksinën Pfizer-BioNTech, e cila u miratua për përdorim në vendet anëtare të BE-së javën e kaluar.
Në këtë vend, vaksinimi nuk është i detyrueshëm. Në një intervistë me televizionin La Sexta të hënën, ministri Illa tha: “Ajo që do të bëhet është një regjistër, i cili do të ndahet me partnerët tanë evropianë … të atyre njerëzve të cilëve u është ofruar dhe thjesht e kanë refuzuar atë”, tha ai.
Të gjithë qytetarët do të kontaktohen nga autoritetet rajonale, kur të jetë radha e tyre për t’u vaksinuar.
