Presidenti i Napolit, Aurelio De Laurentiis, ka “bekuar” 62-vjeçarin Luciano Spalletti si trajner të ri të napoletanëve.
Ndonëse dihej prej kohësh, vetëm sot presidenti Aurelio De Laurentiis, ka zyrtarizuar lajmin dhe i ka uruar mirëseardhjen Spallettit.
“Kam kënaqësinë t’ju njoftoj se Luciano Spalletti do të jetë trajneri i Napolit, duke nisur nga 1 korriku. Mirë se vjen Luciano, së bashku do të bëjmë punëra të mëdha”, ka shkruar pronari i klubit nga Kampanja.
Pas dy sezonesh pushim, ish-trajneri i Interit, Luciano Spalletti, rikthehet në pankinën e Napolit, teksa ka nënshkruar kontratë 2-vjeçare me pagë 2.5 milionë euro në sezon.
Napoli është vetëm një prej ekipeve që plotëson mozaikun e lëvizjeve të trajnerëve në Serinë A, dhe në disa ekipe europiane. Konte, Pirlo, Fonseka e Gatuzo janë larguar nga ekipet e tyre, duke u zëvendësuar kështu me Inzagin, Allegrin, Murinjon dhe Spaletin. Përfundimi i Europianit që nis më 11 qershor mund të sjellë emra të rinj jo vetëm në disa ekipe europiane, por edhe në disa kombëtare./ Tirana Today
