Hetimet për kryebashkiakun e Bulqizës, Lefter Alla, kanë hyrë në një fazë të verifikimit të autenticitetit të videos, ku pretendohet se konsumon lëndë narkotike.
Prokuroria e Posaçme (SPAK) ka thirrur sërish kryebashkiakun e Bulqizës, Lefter Allën, për ta marrë në pyetje, lidhur me videon e publikuar ku shfaqej duke thithur kokainë.
Alla ishte edhe mbrëmjen e kaluar para SPAK, ku për një orë u mor në pyetje po për videon.
Vetë Lefter Alla është shprehur se ky ishte një videomontazh, për ta sulmuar atë politikisht, dhe se ai nuk ka lidhje me përdorimin e drogës.
Kryebashkiaku i Bulqizës ka paditur ish-deputetin e PD, Ervin Salianji.
Kjo çështje është marrë në dorëzim nga SPAK, e cila pasi të shqyrtojë faktet e paraqitura, do të marr një vendim.
