Pas shkarkimit nga detyra të kreut të Operacionit Forca e Ligjit, Artan Shkëmbi, një reagim është përcjellë nga ana e ish-shefit të antidrogës së Fierit, Dritan Zagani. Ai shkruan me ironi, se prisni kur të deklarojnë se ka ‘tradhtuar’ duke bashkëpunuar me ‘armikun’ e jashtëm pa urdhër nga lart. Sipas tij, kjo është formula për të spastruar ata që nuk janë ushtarë të bindur rilindas.
Statusi
Prisni kur te deklarojn se ka “tradhetuar” duke bashkepunuar me “armikun”e jashtem pa urdher nga lart….!
Kjo edhtë formula per te “spastru” ata qe nuk jane ushtare te bindur rilindas.
https://www.facebook.com/permalink.php?story_fbid=10221029266379535&id=1178784022
Pak çaste më parë u njoftua se është pezulluar nga detyra kreu i Operacionit Forca e Ligjit Artan Shkëmbi. Burimet bëjnë të ditur se urdhri për pezullimin e tij ka ardhur pas vendimit të GJKKO, e cila ka pranuar kërkesën e SPAK.
Artan Shkëmbi është nën hetim për korrupsion dhe nxjerrje sekreti hetimor. Ai kaloi Vettingun më 27 shkurt, duke u konfirmuar në detyrë nga Komisioni i Jashtëm i Vlerësimit. Drejtori i Drejtorisë Hetimore Qendrore në Departamentin për Policinë Kriminale në Policinë e Shtetit, Artan Shkëmbi, doli i pastër në të tre shtyllat e vlerësimit. Ai ishte dhe kandidat për kreun e BKH.
