Kryeministri Edi Rama ka reaguar për arrestimin e ish-komisionerëve të dosjes “339”. Ai shprehet se arrestimi i komisionerëve politikë, nxjerr në pah domosdoshmërinë e depolitizimit të administratës zgjedhore.
Në reagimin e tij në Twitter, kreu i qeverisë shkruan se pikërisht ajo dosje është një nga arsyet se përse mazhoranca kërkon depolitizimin e administratës zgjedhore. Duke qënë se kërkesa e tyre, nuk u pranua nga opozita jashtëparlamentare në mbledhjet e Këshillit Politik, Rama nuk ngurroi të theksonte se vetëm 8 komisionerë të arrestuar ishin të Partisë Socialiste, ndërsa të tjerët i përkisnin dy forcave opozitare.
Statusi
Për mua janë 22 individë të gabuar, në vendin e gabuar dhe detyrën e gabuar,që duhet të shërbejnë si shembull i padiskutueshëm për largimin përfundimtar të partive politike nga komisionet e zgjedhjeve! Le të vendosë drejtësia për ta pa dallim dhe mësimi për ne është: DEPOLITIZIM!
Arrestimi i komisionerëve politikë të dosjes së famshme të Durrësit, nxjerr në pah psenë e domosdoshmërisë së depolitizimit të administratës zgjedhore!14 të pandehur të PD-LSI dhe 8 të PS janë prova se kush bërtet më shumë e nuk do depolitizim, i ka duart të zhytura thellë në llum!
Për mua janë 22 individë të gabuar, në vendin e gabuar dhe detyrën e gabuar,që duhet të shërbejnë si shembull i padiskutueshëm për largimin përfundimtar të partive politike nga komisionet e zgjedhjeve! Le të vendosë drejtësia për ta pa dallim dhe mësimi për ne është: DEPOLITIZIM!
— Edi Rama (@ediramaal) July 28, 2020
