Prokuroria e Posaçme, SPAK ka kërkuar 12 vite burg për Hekuran Markun, ish-truprojën e Saimir Tahirit.
Ai akuzohet për “trafik ndërkombëtar droge” e “pjesëmarrje në një grup të strukturuar kriminal”.
Hekuran Marku u ekstradua nga Gjermania në Shqipëri, pas kërkesës së Prokurorisë së Posaçme. Emri i tij doli në operacionin ndërkombëtar të koduar “Shpirti”.
Si pasojë e këtij operacioni janë vendosur në pranga biznesmenë, prokurorë dhe zyrtarë të lartë të Policisë së Shtetit, të akuzuar si pjesëmarrës në veprimtaritë kriminale të drogës.
Kujtojmë se pak ditë më parë, GJKKO pranoi gjykim të shkurtuar për Hekuran Markun.
