Kreu i grupit parlamentar të Partisë Demokratike ka paralajmëruar se mund të bojkotojnë Kuvendin, kjo për shkak të drejtimit aspak të mirë të Gramoz Rucit.
Sipas Spahos, Ruçi po penalizon deputetët e mazhorancës, ndërkohë që bën lëshime për PS-në.
“Gramoz Ruçi po e drejton shumë keq kuvendin. Për të njëjtën çështje dhe mënyrë funksionimi penalizon deputët e opozitës dhe favorizon deputetët e mazhorancës. Bën lëshime për PS dhe penalizon deputetët tanë”.
Këtë deklaratë, Spaho e bëri teksa ishte i ftuar në emisionin “Debati në Channel One” i gazetarit Roland Qafoku. Deputeti demokrat shtoi se Ruçi e arriti kulmin duke i ndërprerë fjalën Berishës.
“Unë nuk po diskutoj fare minutazhin për zotin Berisha, por që të ndërpresë fjalën kur ai tha me lejonin të mbaroj vetëm mendimin, kjo është e papranueshme. Rasti më i fundit ishte seancën që kaloi kur po diskutohej për tjetër çështje dhe kryeministri paraqiste strukturën e institucioneve të qeverisë. Atëherë përse zoti Ruçi nuk ia ndërpreu fjalën?
Nuk është çudi që ne të ndërmarrim të gjitha nismat që na mundëson rregullorja e kuvendi që shkojnë deri në bojkot të Kuvendit!”, tha ai.
