Juristi i njohur, Kreshnik Spahiu është shprehur se ish-kryeministri Sali Berisha do të rikthehet në krye të Partisë Demokratike. Sipas tij, kjo është e vetmja mënyrë që Berisha të mbrohet nga akuzat dhe proçedimi penal.
Spahiu tha se Berisha e përdor Bashën dhe e largon në çdo moment nga drejtimi i partisë, teksa shtoi se për ish-kreun e qeverisë, kjo është lëvizja e fundit për t’u mbrojtur nga SHBA-të.
Postimi i Spahiut në rrjetin social, Facebook
Një muaj më parë deklarova në Top-Channel që Berisha do rikthehet kryetar i PD por shumë pak më besuan.
– kjo është e vetmja mënyrë që të mbrohet së shpejti nga akuzat dhe proçedimi penal, duke e shitur dhe përdorur si burg politik ndaj Kryetarit Opozitës
– kjo është arsyeja që e mban Lul Bashën si “shishe qumshti” për të mos i zën askush rradhën, por të rikthehet, duke i thënë Lulit: Ik pirdhu tani, ma lësho karrigen.
Me Bashën ka marrveshje dhe e largon me dorëheqje në çdo moment. Kjo është lëvizja e fundit për tu mbrojtur AMERIKA.
Çfarë tha Berisha
Mbrëmjen e djeshme, në emisionin ”Çim Peka Live” në Syri Tv, ish-kryeministri Berishau shpreh se do të rikthehej në poste drejtuese të partisë, duke mos përjashtuar as rikthimit si kryetar.
“Kurrë mos thuaj kurrë! Never say never! E kam përdorur me Ramiz Alinë dhe e përdor sot prapë. Po ecja në një drejtim dhe kam ndërruar. Drejtimi i PD? Nuk përjashtoj asnjë të drejtë timën kushtetuese më”, tha Berisha.
