Ish-deputeti i PD-së, Bardh Spahia i cili u arrestua pak ditë më parë, prej rreth 48 orësh tashmë po mbahet në izolim të plotë tek Drejtoria e Policisë së Tiranës.
Sipas familjarëve të Bardhit, ata nuk janë lejuar nga policia t’i çojnë asgjë, as veshmbathje as sende personale.
Familjarët e ish-deputetit thonë se policët kanë urdhër që të ndalojnë çdo ushqim, veshmbathje, sende personale, deri tek furça dhe pasta e dhëmbëve, duke nënkuptuar se ky trajtim prej armiku është hakmarrje e ulët politike.
Bardh Spahia u ndalua nga policia live, gjatë momenteve kur ai po shkonte në emisionin “Hapur” në TCH. Ai ishte shpallur në kërkim nga policia pas tensioneve në KZAZ-në në Shkodër.
Në momentin e ndalimit, ish-deputeti Bardhi u shpreh se kishte qenë gjatë gjithë kohës në Tiranë dhe nuk ishte ndaluar nga policia.
