Kryetari i Bashkisë së Korçës, Sotiraq Filo, është shprehur kundër ndërtimit të TEC-it në këtë qytet. Ai i ka dërguar një letër ministrit të Turizmit dhe Mjedisit, Blendi Klosi, dhe ministres së Energjetikës dhe Infrastrukturës, Belinda Ballukut, ku i kërkon refuzimin e kërkesës për ndërtimin e TEC-it.
“Kryetari i Bashkisç Korçë i ka derguar nje leter ministrit Klosi dhe ministres Balluku, ku kerkon refuzimin e kerkeses se kompanise GPP per ndertimin e nje TEC me gaz ne afersi te qytetit te Korçes”, thonë burime zyrtare në Bashkinë e Korçës.
“Në keto kushte, ju kerkoj MOS APROVIMIN E KETIJ INVESTIMI, i cili ne çdo rast nuk do të mund të realizohet dot në kundershtim me vullnetin e Bashkisë së Korçës”, thuhet në letrën e Filos, drejtuar ministrave.
