Një ditë pas hedhjes në erë të Teatrit Kombëtar, kryeministri Edi Rama ka publikuar projektin e ri, për të cilin është shprehur se pasi të përfundojë, do të ketë pëlqimin e të gjithëve.
Kreu i qeverisë shprehet se ky është një projekt i vonuar, dhe se i përfunduar do i japë komunitetit teatror skenën dinjitoze kombëtare.
Rama thotë më tej se edhe për ketë projekt do të flasë vepra e përfunduar, e cila do ti japë publikut shqiptar një tjetër destinacion kulturor, të përmasave europiane në çdo aspekt.
Ky projekt paraqitet nga Rama në një kohë kur situata politike është ende e agravuar. Sot në orën 16:30, do të organizohet një protestë nga Aleanca për Mbrojtjen e Teatrit, e cila do të ketë mbështetjen e partive opozitare.
Statusi
MIRËMËNGJES?
me projekt-idenë e Teatrit të Ri Kombëtar, konceptuar nga arkitekti i famshëm danez Bjarke Ingels?
Duke ju uruar një javë të mbarë, dua gjithashtu t’ju siguroj se Teatri i ri Kombëtar do të ketë nesër pëlqimin e të gjithëve, qoftë të të shumtëve që kërkojnë sot dhe qoftë të të paktëve që sot nuk shohin më larg se dje…
Përvoja na mësoi se ashtu si me vepra të tjera publike, të përbaltuara e masakruara pa nisur akoma puna, nga të njëjtët ngatërrestarë profesionistë, edhe për këtë projekt të vonuar me dhjetra e dhjetra vite, do të flasë vetë vepra e përfunduar, e cila do t’i japë komunitetit teatror skenën dinjitoze kombëtare që nuk e pati kurrë; publikut shqiptar Teatrin Kombëtar që nuk u ndërtua kurrë; Tiranës e Shqipërisë së gjeneratave të tjera, një tjetër destinacion kulturor të përmasave europiane në çdo aspekt?
