Moderatorja Fjoroda Fjora ka fituar betejën 16 ditore me Covid-19. Ajo ka ndarë me të gjithë ndjekësit e saj këtë eksperiencë, dhe ka treguar çfarë simptomash ka pasur.
Fjodora është shprehur se largimi i nuhatjes dhe shijes, ishte pjesa më e tmerrrshme gjatë infektimit me koronavirus.
“Kjo ishte pjesa më e tmerrshme, largimi i nuhatjes dhe shijes. Para 3 ditësh m’u rikthye nuhatja, dhe kur kam ndjerë atë aromën e kafesë, thjesht m’u duk parajsa mbi tokë”, ka thënë ajo. Moderatorja ka zbuluar ndër të tjera se nuk e ka kuptuar se nga është infektuar, dhe se për 2 javë ka qëndruar larg të birit.
“Kjo është dita ime e parë e lirisë. Mund të shijojë më në fund makinën time, që është bërë zhul. Sot po shijoj diellin, lirinë, kaluan 16 ditë dhe mendoj se mund t’ia lejoj vetes një të dalë për qejfin tim. Më është kthyer edhe nuhatja 95%, kështu që faleminderit o Zot edhe këtë herë”, ka thënë Fjodora.
