Kryeministri Edi Rama pritet të japë vendimin final të Partisë Socialiste, mbi reformën zgjedhore. Kreu i qeverisë ka njoftuar me anë të një postimi në Twitter, se do të bëjë me dije sot në orën 13:00 qëndrimin e PS, për përmbylljen e procesit të reformës zgjedhore.
“Sot në 13.00 qëndrimi i PS për përmbylljen e procesit të reformës zgjedhore në Parlament brenda këtij sesioni të kuvendit të Shqipërisë”, shkruan Rama.
SOT NË 13.00 QËNDRiMI I PS PËR PËRMBYLLJEN E PROCESIT TË REFORMËS ZGJEDHORE NË PARLAMENT BRENDA KËTIJ SESIONI TË KUVENDIT TË SHQIPËRISË.
— Edi Rama (@ediramaal) July 10, 2020
Ndërkohë, pritet që kjo marrëveshje të votohet në datë 23 korrik në Kuvend.
Presioni i ndërkombëtarëve është mbi mazhorancën, ku po i kërkohet miratimi i reformës zgjedhore, sipas paktit të arritur më 5 qershor.
Tashmë brenda opozitës kanë dalë mbi 6 deputetë që kanë shprehur dakordësinë për të miratuar draftin e reformës zgjedhore, sipas paktit të arritur në Këshillin Politik, të 5 qershorit.
Partia Demokratike nga ana e saj ka kërkuar miratimin e menjëhershëm të paktit të 5 qershorit.
