Ish-ministri i Brendshëm, Saimir Tahiri ka mbërritur te Gjykata e Krimeve të Rënda, pasi sot pritet të shpallet vendimi. Tahiri është i shoqëruara nga avokati i tij, Maks Haxhia.
Kujtojmë se në seancën e datës 10 shtator, Prokuroria për Krime të Rënda kërkoi shpalljen fajtor dhe dënimin me 12 vite burg për ish-ministrin e Brendshëm. Duke përfituar nga gjykimi i shkurtuar, prokurori kërkoi për Tahirin dhe ish-drejtorin e Policisë së Vlorës, Jaeld Çelën, dënimin me nga 8 vite burg përfundimisht.
Tre gjyqtarët që do të vendosin për Tahirin janë Ardit Mustafai, Flora Hajredinaj dhe Irena Gjoka.
Ish-ministri e quajti procesin të montuar politikisht dhe kërkoi nga Gjykata shpalljen e tij të pafajshëm. Gjykata e shtyu seancën për në datën 19 shtator, ditën e sotme, dhe pritet të lexohet mbrojtja e Jaeld Çelës dhe më pas treshja gjykuese do të tërhiqet për të dhënë vendim. Seanca e kaluar zgjati më shumë se 8 orë.
