Sot në orën 12:00 do të mblidhet Komisioni Hetimor për shkarkimin e presidentit Meta. Ky komision ka si objekt pune verifikimin e procedurës së ndjekur nga kreu i shtetit, për zhdekretimin e datës së zgjedhjeve lokale (30 qershorin).
Bëhet me dije se është përgatitur edhe një listë me personat që do të thirren për të dëshmuar para komisionit, e cila ende është sekrete. Pritet që të dëshmojë javën e ardhshme edhe Meta para këtij komisioni, por ende nuk dihet nëse do të pranojë apo ajo presidenti.
Gjatë këtij hetimi nuk do të mungojnë edhe ekspertët e Komisionit të Venecias, të cilët do të japin opinionin e tyre në lidhje me ligjshmërinë e veprimeve të presidentit. Ata pritet të mbërrijnë në Tiranë në fund të kësaj jave.
