Kuvendi, në seancën e sotme plenare, pritet që t’i rrëzojë presidentit Meta tetë dekrete, shtatë që riktheu për shqyrtim dhe një për emërimin e Petraq Milos në krye të Kontrollit të Lartë të Shtetit.
Duke iu referuar rendit të ditës, publikuar në faqen zyrtare të Kuvendit, përpos dekreteve janë edhe pika të tjera të rëndësishme si miratimi i projektvendimit për zgjedhjen e Besnik Dervishit Komisionar për të Drejtën e Informimit dhe Mbrojtjen e të Dhënave Personale, për emërimin e Kryetarit të Bordit të Autoritetit të Mbikëqyrjes Financiare dhe të tjera.
Pasi u rrëzuan në komisionet përkatëse, pritet që dekretet e Metës të votohen sot në Kuvend.
