Këngëtarja Jonida Maliqi pritet të performojë e dyta në finalen e madhe të Eurovizionit. Finalja do të mbahet mbrëmjen e sotme, (më 18 maj) në Izrael, dhe do të transmetohet në të gjitha televizionet e shteteve pjesëmarrëse.
Jonida ia doli ta çojë Shqipërinë në finale me shumë sukses, dhe kënga e saj ‘Ktheju Tokës’ është pëlqyer së tepërmi edhe nga të huajt.
E veshur si një mbretëreshë ilire, Jonida Maliqi arriti të përcillte mësë miri mesazhin e këngës, që përmban shumë elementë folklorikë shqiptarë.
Për të votuar ‘Ktheju Tokës’, duhet të jetoni në një prej 40 shteteve që kanë patur përfaqësi në Eurovizion këtë vit, me numrin 2.
E ftuar speciale në finale do të jetë diva e pop-it, Madonna.
