E diel, 24 Tetor, 2021
11.5 C
Tirana

Soreca: Të zgjaten afatet e Vettingut, dosjet duhet të trajtohen urgjentisht

Ambasadori i BE-së në Tiranë, Luigi Soreca, dha mesazhe të qarta për Reformën në Drejtësi, në konferencën me temë “Roli i Institucioneve Vetëqeverisëse të Drejtësisë”. Luigi Soreca është shprehur se Reforma në Drejtësi ka hyrë në një fazë të re, në të cilën kërkohet që ajo të çohet deri në fund. Soreca thotë se Vettingu duhet të vazhdojë duke mbështetur kërkesën e mazhorancës, për zgjatjen e afatit të organeve të tij.

Ambasadori thekson se Kuvendi duhet ta konsultojë këtë propozim me të gjithë aktorët, duke shtuar se konsolidimi i Reformës në Drejtësi duhet të jetë kryefjalë. Në shenjë këmbane alarmi, ai rikujton se ka disa dosje të rëndësishme që duhen trajtuar në mënyrë urgjente.

Ndër të tjera, ambasadori i BE-së theksoi po ashtu se urgjente është edhe që procesi i Vettingut të përfundohet. Megjithatë ai tha se kjo duhet bërë duke ruajtur integritetin dhe konsistencën. Dhe për këtë kërkohet edhe rritja e afatit të mandatit të anëtarëve të Komisionit të Pavarur të Kualifikimeve dhe të Komisionerëve Publikë.

“Kemi hyrë në një fazë të re të Reformës në Drejtësi. Në këtë fazë kërkohet që Reforma në Drejtësi të përfundohet, dhe kjo gjë do të kërkojë edhe këmbëngulje, pragmatizëm. Do të kërkojë në fakt edhe aftësi, lidership, pra udhëheqjen nga institucionet e reja të drejtësisë.

Kuvendi i ri i Shqipërisë, qeveria e re, kanë në fakt përgjegjësi shumë të rëndësishme në këtë drejtim, dhe BE qëndron e gatshme t’ju mbështesë në këto përpjekje. Dje kam patur një takim shumë të mirë me ministrin Manja, dhe së shpejti unë do të takohem edhe me deputetë nga Kuvendi i Shqipërisë, si nga mazhoranca, ashtu edhe nga opozita.

Lexo edhe :   PD e PS japin ‘OK’ për Vettingun, fundosen politikanët me pasuri marramendëse

Ka disa dosje shumë të rëndësishme, të cilat duhet të trajtohen në mënyrë urgjente dhe është e rëndësishme që ne të flasim për efikasitetin dhe të sigurojnë efikasitetin e gjykatave, duke përfshirë këtu edhe miratimin e hartës gjyqësore, si edhe të sistemit, të flasim pra për sistemin e ri të menaxhimit të çështjeve.

Është shumë thelbësore që të shikohet roli i shkollës së magjistraturës dhe burimi që kanë ata”.

“Është urgjente që procesi i Vettingut të përfundohet. Është kritike që të gjitha çështjet e mbetura të Vettingut të përfundohen në periudhën më të shpejtë të mundshme kohore, por duke ruajtur ama edhe integritetin dhe konsistencën e procesit.

Lexo edhe :   PD e PS japin ‘OK’ për Vettingun, fundosen politikanët me pasuri marramendëse

Që do të thotë, që kjo do të kërkojë edhe një rritje me një afat të caktuar të mandatit të anëtarëve të Komisionit të Pavarur të Kualifikimeve dhe të Komisionerëve Publikë. Është në mandatin e Kuvendit dhe qeverisë, që të përkufizojnë siç duhet këto afate të sakta kohore të kësaj zgjatjeje në konsultim natyrisht me të gjithë grupet e interesit.

Por më e përgjithshme do të duhet të themi që kryefjala e kësaj faze të dytë të Reformës në Drejtësi, do të jetë fjala konsolidim. Pra në mënyrë që të bëjmë të pamundurën që kjo reformë dhe të mirat e saj të jenë të pakthyeshme, prandaj fuqizimi i vazhdueshëm i profesionalizmit, performancës së sistemit të drejtësisë është fokusi dhe i kësaj konference dhe një nga aspektet kyçe që duhen parë”.

- Reklama -

Më shumë nga kategoria




Të fundit

Çfarë PD-je mund të sjellë Foltorja?

Nga: Ergys Mërtiri Mbështetësit e z. Berisha pretendojnë se Foltorja po sjell debatin dhe reflektimin që i ka munguar PD-së duke i kontribuar hapjes dhe...

Sherr mes afganëve në Shëngjin, 26-vjeçarja plagos bashkëjetuesin 

Një grua afgane ka qëlluar me thikë bashkëjetuesin e saj me kombësi afgane, mesditën e sotme në ambientet ku janë akomoduar në Shëngjin. 26-vjeçarja...

Serbia ndalon boksierët nga Kosova, Shqipëria braktis botërorin

Ekipi i boksit të Kosovës nuk është lejuar të hyjë në Serbi, për të marrë pjesë në Kampionatin Botëror të boksit që mbahet në...

Futbollisti torturohet dhe grabitet në prani të partneres

Një yll i Premier Ligës është sulmuar nga banditë të maskuar në shtëpinë e tij, të cilët e kanë lidhur dhe torturuar para se...

Basha: Zotit mund t’i kem hyrë në hak, por jo Berishës!

Kryedemokrati Basha është treguar i hapur për mediat, ndërsa ka komentuar vendimin e tij për të përjashtuar Sali Berishën. Ai tha se nuk i...