Ambasadori i BE, Luigi Soreca, shpreson që protesta e opozitës të jetë paqësore, dhe të nxirren mësime prej saj. I ftuar në ‘RTV Ora’, ambasadori kërkoi nga partitë opozitare që të mos abuzojnë, dhe të ketë një reflektim për zgjedhjet.
“Së pari dua të them që respektoj të drejtën e qytetarëve për të shprehur vullnetin e tyre, në mënyrë të lirë. Për këtë arsye uroj atyre që duan të shprehin qëndrimin e tyre nesër, shpresoj ta bëjnë në një mënyrë të duhur dhe të paqme. Këtë e kam ritheksuar shumë herë përpara protestave të rëndësishme.
Është e rëndësishme që opozita të shprehë pakënaqësinë e saj, por shpresoj shumë që kjo protestë të mbesë tek kufijtë e të paqmes, dhe disa mësime të nxirren nga ato gjëra që do të mund të ndodhin nesër, dhe të ketë një reflektim për të menduar se afatet kohore po kalojnë dhe që zgjedhësit që i qëndrojnë afër partive politike të merren në konsideratë në lidhje me zgjedhjet që do të ndodhin për një muaj e gjysmë”.
