Pas vendimit të PD për t’u rikthyer në tryezën e Këshillit Politik për Reformën Zgjedhore, një reagim është përcjellë nga ambasadori i Bashkimit Europian, Luigi Soreca.
Soreca shprehet se Reforma Zgjedhore i shërben interesit të shqiptarëve, në mënyrë që të plotësohet një nga kushtet e vendosura nga BE në muajin mars.
“E mirëpresim vendimin e Lulzim Bashës, për të rifilluar punën ndër-partiake për Reformën Zgjedhore në Këshillin Politik.
Ajo shërben për interesin më të lartë të shqiptarëve, dhe kontribuon për të përfunduar këtë reformë të rëndësishme pa vonesë, në mënyrë që të përmbushë kushtin e vendosur marsin e kaluar nga Bashkimi Europian”, shkruan Soreca në mesazhin e tij në “Twitter”.
