Nis me debat seanca e sotme plenare, teksa pas marrjes së fjalës në foltore, deputeti Kujtim Gjuzi ka shpërthyer në kritika.
Duke iu referuar seancës së kaluar, deputeti tha se atij nuk i është dhënë fjala kur i është kërkuar.
“Unë kam të drejtë të replikoj me kryeministrin sa herë dhe ju nuk mund të më ndaloni”, u shpreh Gjuzi, teksa i drejtohej kryetarit të Kuvendit, Gramoz Ruçit.
Ndërkohë, nuk mungoi as përgjigja e Ruçit, i cili i tha Gjuzit që duhet të respektojë rregulloren.
“Nuk është shkelur në asnjë pikë rregullorja e dhënie e fjalës së askujt deputeti. Herën e kaluar ke pasur për ju mbi 3 herë vërejtje. Nuk ju përjashtova nga seanca për shkeljen e rregullores për ndërhyrjet që keni bërë. Nuk duhet ta përsërisni”, tha Ruçi.
